ခြေစမ်းပွဲတွင် ရန်ကုန်ယူနိုက်တက်အသင်းက Dagon Port အသင်းကို ၂-၁ဂိုးနှင့်အနိုင်ရရှိ

ရန်ကုန်ယူနိုက်တက်အသင်းနှင့် မြန်မာနေရှင်နယ်လိဂ်-၂ တန်းတက်အသင်း Dagon Port အသင်းနှင့် ယနေ့ညနေက Yangon United Sports Complex တွင် ခြေစမ်းပွဲ ယှဉ်ပြိုင်ကစားခဲ့ရာ ရန်ကုန်အသင်းက ၂-၁ ဂိုးဖြင့်အနိုင်ရရှိခဲ့သည်။
၄၅ မိနစ်နှစ်ပိုင်းယှဉ်ပြိုင်ကစားခဲ့ပြီး ပထမပိုင်း ၁၇ မိနစ်တွင် Dagon Port အသင်း က ငြိမ်းချမ်း ၏ ဂိုးဖြင့် ဦးဆောင်ဂိုးရယူခဲ့သည်။ ရန်ကုန်အသင်းအတွက်ချေပဂိုးကို လမင်းထွေးက ၄၃ မိနစ်တွင် ခေါင်းတိုက်သွင်းယူခဲ့ပြီး ၁-၁ ဖြင့်သရေရလဒ်ထွက်ပေါ်နေခဲ့သည်။ ဒုတိယပိုင်း ၅၉ မိနစ်တွင် ရန်ကုန်အသင်း ပင်နယ်တီကန်ခွင့်ရရှိခဲ့ပြီး လမင်းထွေးက အမှားအယွင်းမရှိသွင်းယူနိုင်ခဲ့ပြီး ပွဲပြီးဆုံးချိန်တွင် Dagon Port အသင်းကို ၂-၁ ဂိုးဖြင့်အနိုင်ရရှိခဲ့သည်။