၂၀၂၄ မြန်မာအမျိုးသမီးလိဂ်ပြိုင်ပွဲတွင် ရန်ကုန်ယူနိုက်တက်အမျိုးသမီးအသင်း ဒုတိယဆုရရှိ

ရန်ကုန်ယူနိုက်တက်အမျိုးသမီးအသင်းသည် ၂၀၂၄ ခုနှစ်မြန်မာအမျိုးသမီးလိဂ် အမှတ်ပေးဘောလုံးပြိုင်ပွဲတွင် ပွဲစဉ် ၁၈ ပွဲကစား၊ ၁၂ ပွဲနိုင်၊ ၄ ပွဲသရေ၊ ၂ ပွဲရှုံး၊ ရမှတ် ၄၀ မှတ်နှင့် ဒုတိယဆုရရှိခဲ့သည်။
အဆိုပါဆုချီးမြှင့်ပွဲကို ယနေ့ညနေက သုဝဏ္ဏကွင်းတွင် ရန်ကုန်ယူနိုက်တက်အမျိုးသမီးအသင်းနှင့် အား/ကာသိပ္ပံအမျိုးသမီးအသင်းတို့ ပွဲစဉ်အပြီးတွင် ကျင်းပပြုလုပ်ခဲ့ပြီး ရန်ကုန်ယူနိုက်တက် အမျိုးသမီးအသင်းဥက္ကဌ ဒေါ်ကလျာဇော်၊ ရန်ကုန်ယူနိုက်တက်အသင်း အမှုဆောင်အရာရှိချုပ် ဦးစိုင်းခင်မောင်အေး နှင့် အသင်းတာဝန်ရှိသူများတက်ရောက်ခဲ့ကြသည်။
ဒုတိယဆုရရှိသည့် ရန်ကုန်ယူနိုက်တက်အမျိုးသမီးအသင်းကို မြန်မာနေရှင်နယ်လိဂ်ကော်မတီ ဥက္ကဌ ဦးဇော်မင်းသိန်း က ဆုတံဆိပ်နှင့် မြန်မာနိုင်ငံဘောလုံးအဖွဲ့ချုပ် ဒုတိယဥက္ကဌ ဦးထိပ်ခွန်နောင်မြင့်ဝေ က ဆုကြေးငွေကျပ်သိန်း ၁၅၀ တို့အားအသီးသီး ပေးအပ် ချီးမြှင့်ခဲ့သည်။