၂၀၂၄ ခုနှစ်မြန်မာအမျိုးသမီးလိဂ်ပြိုင်ပွဲနောက်ဆုံးပွဲစဉ်တွင် ရန်ကုန်ယူနိုက်တက်အမျိုးသမီးအသင်း နှင့် အား/ကာသိပ္ပံအသင်းတို့သရေရလဒ်ထွက်ပေါ်

ရန်ကုန်ယူနိုက်တက်အမျိုးသမီးအသင်းသည် ၂၀၂၄ ခုနှစ်မြန်မာအမျိုးသမီးလိဂ်ပြိုင်ပွဲ၊ နောက်ဆုံးပွဲစဉ်အဖြစ် ယနေ့ညနေက သုဝဏ္ဏကွင်းတွင် အား/ကာသိပ္ပံအမျိုးသမီးအသင်းနှင့် ယှဉ်ပြိုင်ကစားခဲ့ရာ ဂိုးမရှိသရေရလဒ်ထွက်ပေါ်ခဲ့သည်။
ရန်ကုန်အမျိုးသမီးအသင်းနှင့် အား/ကာသိပ္ပံအမျိုးသမီးအသင်းတို့ အကြိတ်အနယ်ယှဉ်ပြိုင်ကစားခဲ့ကြသည့်ပွဲစဉ်တစ်ပွဲဖြစ်ခဲ့ပြီး ပထမပိုင်းတွင် ဂိုးမရှိသရေရလဒ်ထွက်ပေါ်နေခဲ့သည်။ ဒုတိယပိုင်းတွင်လည်း နှစ်ဖက်အသင်းမှ ကစားသမားလဲလှယ်မှုများပြုလုပ်ခဲ့ကြပြီး ဂိုးရရှိရေးအတွက်အပြိုင်ကြိုးပမ်းခဲ့ကြသော်လည်း ဂိုးသွင်းယူနိုင်ခဲ့ခြင်းမရှိသဖြင့် ဂိုးမရှိသရေရလဒ်ထွက်ပေါ်ခဲ့သည်။
ရန်ကုန်ယူနိုက်တက်အမျိုးသမီးအသင်းသည် ၁၈ ပွဲကစား၊ ၁၂ ပွဲနိုင်၊ ၄ ပွဲသရေ၊ ၂ ပွဲရှုံး၊ ရမှတ် ၄၀ မှတ် ရရှိခဲ့ပြီး ၂၀၂၄ မြန်မာအမျိုးသမီးလိဂ်ပြိုင်ပွဲပြီးဆုံးချိန်တွင် ဒုတိယဆုရရှိခဲ့သည်။