ရန်ကုန်ယူနိုက်တက် (ယူ-၂၀) အသင်းနှင့် သစ္စာအားမာန် (ယူ-၂၀) အသင်းတို့ တဖက်(၁)ဂိုးစီဖြင့် သရေရလဒ်ထွက်ပေါ်

ယနေ့ MNL U-20 league ပွဲစဉ်အဖြစ် ရန်ကုန်ယူနိုက်တက် (ယူ-၂၀) အသင်းနှင့် သစ္စာအားမာန် (ယူ-၂၀) အသင်းတို့ယှဉ်ပြိုင်ကစားခဲ့ရာ တစ်ဖက် ၁ ဂိုးစီဖြင့် သရေရရလဒ်ထွက်ပေါ်ခဲ့သည်။

ပထမပိုင်းတွင် နှစ်ဖက်စလုံးဂိုးရရှိရေး ကြိုးပမ်းခဲ့သော်လည်း ဂိုးသွင်းယူနိုင်ခဲ့ခြင်းမရှိခဲ့ပေ။
ဒုတိယပိုင်းတွင် နှစ်သင်းစလုံးသေချာပြင်ဆင်လာခဲ့ပြီး ပွဲချိန် ၅၁ မိနစ်တွင် သစ္စာအားမာန်အသင်း က ဦးဆောင်ဂိုးရရှိခဲ့ပြီး ဟိန်းဇေယျာမင်းမှ သွင်းယူပေးခဲ့သည်။ ထို့နောက် ရန်ကုန်လူငယ်အသင်းက ချေပဂိုးရရှိရေးအတွက်တိုက်စစ်ဆင်ကစားခဲ့ပြီး ပွဲချိန် ၇၃ မိနစ်တွင် ပင်နယ်တီရရှိခဲ့ရာမှတဆင့် တိုက်စစ်မှုး စိုင်းဇေယျာကျော် မှသွင်းယူပေးခဲ့ကာ သရေရလဒ်ထွက်ပေါ်စေခဲ့သည်။

ရန်ကုန်ယူနိုက်တက် (ယူ-၂၀) အသင်းသည် လာမည့် ဩဂုတ်လ (၁၂) ရက်နေ့တွင် ရခိုင်ယူနိုက်တက် (ယူ-၂၀) အသင်းနှင့် စလင်းကွင်းတွင် ဆက်လက် ယှဉ်ပြိုင်ကစားသွားမည် ဖြစ်သည်။