ရန်ကုန်ယူနိုက်တက်အသင်းနှင့်မဟာယူနိုက်တက်အသင်းတို့ တစ်ဖက်၂ဂိုးစီဖြင့်သရေရလဒ်ထွက်ပေါ်..

ယနေ့မြန်မာနေရှင်နယ်လိဂ်ပွဲစဉ်အဖြစ် ရန်ကုန်ယူနိုက်တက်အသင်း နှင့် မဟာယူနိုက်တက်အသင်းတို့ သုဝဏ္ဏကွင်းတွင်ယှဉ်ပြိုင်ကစားခဲ့ရာ တစ်ဖက် ၂ဂိုးစီသရေရလဒ်ထွက်ပေါ်ခဲ့သည်။

ပထမပိုင်းတွင် ရန်ကုန်ယူနိုက်တက်အသင်းမှ ဂိုးရရှိရေးအတွက် အစွမ်းကုန်တိုက်စစ်မြင့်ကာယှဉ်ပြိုင်ကစားခဲ့သည်။ပထမပိုင်းပြီးဆုံးပြီး နာကျင်အချိန်ပိုတွင် ဥက္ကာနိုင်ပေးပို့သည့်ဘောလုံးကို တိုက်စစ်မှူး ရန်ကျော်ထွေးပိတ်သွင်းခဲ့သော်လည်း ဂိုးနှင့်အနည်းငယ်လွဲချော်သွားသည့်အတွက် ဂိုးမရှိသရေဖြင့်သာ ပထမပိုင်းပြီးဆုံးခဲ့သည်။

ဒုတိယပိုင်းတွင် ရန်ကုန်ယူနိုက်တက်အသင်းမှ ဦးဆောင်ဂိုးများရရှိရေးအတွက် တိုက်စစ်ပိုင်းအပြောင်းအလဲများပြုလုပ်ပြီး ယှဉ်ပြိုင်ကစားခဲ့ရာ ရန်ကုန်ယူနိုက်တက်အသင်းအတွက်ပထမဦးဆောင်ဂိုးကို ၅၇မိနစ်တွင် ဝေလင်းအောင်၏ ကန်သွင်းယူမှုမှရရှိခဲ့သည်။ဦးဆောင်ဂိုးရပြီးချိန်တွင်ရန်ကုန်ယူနိုက်တက်အသင်းမှတိုက်စစ်မချပဲဆက်လက်ယှဉ်ပြိုင်ကစားခဲ့ရာ ၆၉မိနစ်တွင် ဥက္ကာနိုင်၏ဖန်တီးပေးပို့မှုမှတစ်ဆင့် လူစားဝင်တိုက်စစ်မှူးကောင်းစည်သူမှ ဒုတိယဦးဆောင်ဂိုးကိုသွင်းယူပေးခဲ့သည်။မဟာယူနိုက်တက်အသင်းအတွက်ချေပဂိုးများကို ၈၃မိနစ် နှင့် မိနစ်၉၀ပြည့်ပြီးနာကျင်အချိန်ပိုတွင် သက်နိုင်မှသွင်းယူပေးခဲ့ပြီး ပွဲပြီးဆုံးချိန်တွင် တစ်ဖက်၂ဂိုးစီသရေရလဒ်ထွက်ပေါ်ခဲ့သည်။

ရန်ကုန်ယူနိုက်တက်အသင်းသည် ၁၅ပွဲကစားပြီးချိန်တွင် ၁၀ပွဲနိုင်၊ ၅ပွဲသရေနှင့် ၃၅မှတ်ရရှိထားပြီး လာမည့် ဇန်နဝါရီလ ၁၈ရက်တွင် ရှမ်းယူနိုက်တက်အသင်းအား အိမ်ကွင်းတွင် လက်ခံယှဉ်ပြိုင်ကစားသွားမည်ဖြစ်သည်။

#YUFC #Yangon #ThisIsYangon #HomeOfYUFC #DreamBigPlayHard #MNL2024/25 #matchday #MUFCvsYUFC