ယနေ့ညနေကယှဉ်ပြိုင်ကစားခဲ့သည့် ရန်ကုန်ယူနိုက်တက်အသင်းနှင့် GFA အသင်းတို့၏ ခြေစမ်းပွဲစဉ်တွင် ရန်ကုန်အသင်းက GFA အသင်းကို ဇော်ရဲထွန်း နှင့် လှိုင်းဘိုဘို တို့၏ သွင်းဂိုးများဖြင့်အနိုင်ရရှိခဲ့သည်။
ပုံမှန်ပွဲကစားချိန်အတိုင်း ၄၅ မိနစ်နှစ်ပိုင်းယှဉ်ပြိုင်ကစားခဲ့ပြီး ရန်ကုန်အသင်းအတွက် ဦးဆောင်ဂိုးကို ဇော်ရဲထွန်း က ပွဲချိန် ၂၈ မိနစ်တွင် အနီးကပ်ခေါင်းတိုက်သွင်းယူခဲ့ပြီး ဒုတိယဦးဆောင်ဂိုးကို လှိုင်းဘိုဘိုက ပွဲချိန် ၃၄ မိနစ်တို့တွင် သွင်းယူပေးခဲ့သည်။
ရန်ကုန်ယူနိုက်တက်အသင်းသည် မြန်မာနေရှင်နယ်လိဂ်ပွဲစဉ်များ ရပ်နား ထားချိန်တွင် ခြေစမ်းပွဲများယှဉ်ပြိုင်၍ ပြင်ဆင်မှုများပြုလုပ်လျက်ရှိရာ ပြီးခဲ့သည့် ရခိုင်ယူနိုက်တက်အသင်းနှင့် ခြေစမ်းပွဲစဉ်တွင် ၅-၁ ဂိုးဖြင့်အနိုင်ရရှိထားခဲ့သည်။