စလင်းကွင်းတွင် ရတနာပုံ(ယူ-၂၀) အသင်းကို ကျဉ်းမြောင်းသောရလဒ်ဖြင့် အနိုင်ရရှိခဲ့သည့် ရန်ကုန်ယူနိုက်တက်(ယူ-၂၀)အသင်း

ယနေ့MNL Youth League ပွဲစဉ်အဖြစ် စလင်းကွင်းတွင် ရန်ကုန်ယူနိုက်တက်(ယူ-၂၀) အသင်းနှင့် ရတနာပုံ(ယူ-၂၀) အသင်းတို့ ယှဉ်ပြိုင်ကစားခဲ့ရာ ရန်ကုန်ယူနိုက်တက်လူငယ်အသင်းက (၁-၀) ဂိုးဖြင့်အနိုင်ရရှိခဲ့ပါသည်။

ပွဲချိန်ပထမပိုင်းတွင် အပြန်လှန် တိုက်စစ်ဆင်ကစားမှုများနှင့် ကြည့်ကောင်းသည့်ပွဲစဉ်ကောင်းတစ်ပွဲဖြစ်ခဲ့ပြီး ရန်ကုန်ယူနိုက်တက်လူငယ်အသင်းက ပွဲချိန် (၁၉) မိနစ်တွင် လမင်းပြည့်စုံကသွင်းဂိုးဖြင့် ပထမပိုင်းကို ဦးဆောင်ထားသည်။ ပွဲချိန်ဒုတိယပိုင်းတွင် နှစ်ဖက်စလုံး ဂိုးရရှိရေးအတွက် ယှဉ်ပြိုင်ကစားခဲ့ကြသော်လည်း ဂိုးများကိုမြင်တွေ့ရတော့ခြင်းမရှိခဲ့ဘဲ ပထမပိုင်းရလဒ်အတိုင်း ရတနာပုံ (ယူ-၂၀) အသင်းကို ၁-၀ ဂိုးနှင့် အနိုင်ရရှိခဲ့သည်။

ရန်ကုန်ယူနိုက်တက် (ယူ-၂၀) အသင်းသည် လက်ရှိတွင် ၁၉ပွဲကစား၊ ၁၀ပွဲနိုင် ၊ ၃ပွဲသရေ၊ ၆ပွဲရှုံး၊ ရမှတ် (၃၃) မှတ်နှင့်အဆင့် ၄ နေရာတွင်ရပ်တည်နေပြီး လာမည့် နိုဝင်ဘာ (၁၃) ရက်နေ့တွင် သစ္စာအားမာန်(ယူ-၂၀) အသင်းနှင့် ပဒုမ္မာအားကစားကွင်းတွင် ဆက်လက်ယှဉ်ပြိုင်ကစားသွားမည်ဖြစ်သည်။