စိုင်းဇေယျာကျော် ၏ တစ်လုံးတည်းသောသွင်းဂိုးနှင့် ရန်ကုန်ယူနိုက်တက် (ယူ-၂၀) အသင်းအနိုင်ရရှိ

ယနေ့ညနေက M-3 ကွင်းတွင်ယှဉ်ပြိုင်ကစားခဲ့သည့် ရတနာပုံ (ယူ-၂၀) အသင်းနှင့် ရန်ကုန်ယူနိုက်တက် (ယူ-၂၀) အသင်းတို့၏ ပွဲစဉ်တွင် ရန်ကုန်လူငယ်အသင်းက ရတနာပုံလူငယ်အသင်းကို စိုင်းဇေယျာကျော် ၏ တစ်လုံးတည်းသောသွင်းဂိုးနှင့် အနိုင်ရရှိခဲ့သည်။
နှစ်သင်းစလုံးဂိုးရရှိရေးအတွက်အပြိုင်ကြိုးစားခဲ့ကြပြီး ရန်ကုန်အသင်းက ပွဲချိန် ၄၅ မိနစ် စိုင်းဇေယျာကျော် ၏ သွင်းဂိုးနှင့် ဦးဆောင်ထားနိုင်ခဲ့သည်။ ဒုတိယပိုင်းတွင် တစ်ဖက်အသင်းမှ ချေပဂိုးရရှိရေးအတွက် တန်ပြန်ကြိုးစားခဲ့သော်လည်း ရန်ကုန်အသင်းအကောင်းဆုံးပုံစံနှင့် ကစားနိုင်ခဲ့ပြီး ပွဲပြီးဆုံးချိန်တွင် ရန်ကုန်ယူနိုက်တက် (ယူ-၂၀) အသင်းက ရတနာပုံ (ယူ-၂၀) အသင်းကို ၁-၀ ဂိုးနှင့် အနိုင်ရရှိခဲ့သည်။
ရန်ကုန်ယူနိုက်တက်အသင်းသည် ၈ ပွဲကစား၊ ၃ ပွဲနိုင်၊ ၁ ပွဲသရေ၊ ၄ ပွဲရှုံး၊ ရမှတ် ၁၀ မှတ် ရရှိထားပြီး လာမည့် ဩဂုတ်လ ၉ ရက်နေ့၊ M-3 ကွင်းတွင် သစ္စာအားမာန်အသင်းနှင့် ဆက်လက်ယှဉ်ပြိုင်ကစားမည်ဖြစ်သည်။