ဧရာဝတီယူနိုက်တက် (ယူ-၂၀) အသင်းကို ဂိုးမိုးရွာပြီး အနိုင်သုံးမှတ်ရယူခဲ့သည့် ရန်ကုန်လူငယ်အသင်း
ယနေ့မြန်မာနေရှင်နယ်လိဂ်လူငယ်အမှတ်ပေးပွဲဖြစ်သည့် ဧရာဝတီယူနိုက်တက်(ယူ-၂၀)အသင်း နှင့်ရန်ကုန်ယူနိုက်တက်(ယူ-၂၀)အသင်းတို့ တောင်ဒဂုံအားကစားကွင်းတွင် ယှဉ်ပြိုင်ကစားခဲ့ရာ
ရန်ကုန်ယူနိုက်တက်လူငယ်အသင်းက ၉-၀ ဂိုးနှင့် ဂိုးမိုးရွာခဲ့သည်။
ရန်ကုန်ယူနိုက်တက်အသင်းမှဦးဆောင်ဂိုးကိုပထမပိုင်း ၁၁မိနစ်တွင် ရဲဝင်းအောင်က ပင်နာတီမှတဆင့်သွင်းယူပေးခဲ့ပါသည်။ဆက်လက်ယှဉ်ပြိုင်ကစားခဲ့ကြရာပွဲချိန် ၃၈မိနစ်နှင့် ၅၅မိနစ်တွင် လမင်းပြည့်စုံမှနှစ်ဂိုး
ဆက်တိုက်သွင်းယူပေးခဲ့သည်။
ဒုတိယပိုင်းတွင်ရန်ကုန်ယူနိုက်တက်အသင်းမှ ၆၃မိနစ်နှင့်၆၆မိနစ်တွင် ကောင်းခန့်ကျော်မှနှစ်ဂိုးထပ်မံသွင်းယူခဲ့သည်။ ရန်ကုန်ယူနိုက်တက်အသင်းက တိုက်စစ်မလျော့ဘဲ ကစားခဲ့ရာပွဲချိန် ၆၉မိနစ်တွင် ခွန်းချိုထူးမှ ဂိုးရှေ့ချပေးမှုကို လမင်းပြည့်စုံက ထပ်မံသွင်းယူခဲ့ကာ ဟက်ထရစ်ဂိုး ရရှိခဲ့သည်။ ပွဲချိန် ၈၄မိနစ်နှင့်၈၈မိနစ်တွင် မင်းသူမှနှစ်ဂိုးထပ်မံသွင်းခဲ့ပီး ၈၆မိနစ်တွင်နိုင်ကိုမှသွင်းယူပေးခဲ့ကာ ပွဲပြီးဆုံးချိန်တွင် ရန်ကုန်ယူနိုက်တက် (ယူ-၂၀) အသင်းက ဧရာဝတီယူနိုက်တက် (ယူ-၂၀) အသင်းကို ၉-၀ ဂိုးနှင့် အနိုင်ရရှိခဲ့သည်။
ရန်ကုန်ယူနိုက်တက်(ယူ-၂၀)အသင်းသည်လက်ရှိတွင်၂၃ ပွဲကစား၊ ၁၁ ပွဲနိုင်၊ ၄ပွဲသရေ၊ ၈ပွဲရှုံး၊ ရမှတ်၃၇မှတ်ရရှိထားပြီး ရာသီပိတ် နောက်ဆုံးပွဲစဉ်အဖြစ် လာမည့် နိုဝင်ဘာ ၂၉ ရက်နေ့တွင် ဟံသာဝတီယူနိုက်တက်(ယူ-၂၀)အသင်းနှင့် ပဒုမ္မာ အားကစားကွင်းတွင် ယှဉ်ပြိုင်ကစားမည်ဖြစ်သည်။